К 30-летию Независимости Казахстана | 04 сентября 17:26

Астана мектептерінде жаңа 10 инклюзияны қолдау кабинеті ашылды

Осылайша қаладағы кабинеттердің жалпы саны 21-ге жетіп, ерекше білім беру қажеттіліктері бар 1054 бала тұрақты түрде мамандардың көмегін алатын болады. Бұл өз кезегінде елордадағы ерекше балалардың 40%-ы.

Кабинеттерде емдік дене шынықтыру залы, қыш шеберханасы, сондай-ақ логопед, дефектолог және психолог мамандарға арналған арнайы кеңістіктер қарастырылған.

Жоба «Самұрық-Қазына» компаниялар тобы атынан «Samruk-Kazyna Trust» корпоративтік қоры арқылы жүзеге асырылады. Сыныптар Charity Samruk Marathon қайырымдылық марафонында жиналған қаражат есебінен жабдықталды.