Бизнес-форум Сауран көшесі, 46 мекенжайында орналасқан Hilton Astana қонақ үйінде өтеді.
Сондай-ақ 4-6 қазан аралығында Астана қаласында «Translogistica Kazakhstan 2023» 26-шы Халықаралық көрмесі ұйымдастырылады, ол Мәңгілік Ел даңғылы 53/1 мекенжайында орналасқан «EXPO» халықаралық көрме орталығының алаңында өтеді.
Бизнес-форум Қазақстан Республикасы Индустрия және инфрақұрылымдық даму министрлігі мен «Қазақстан темір жолы» ҰК» АҚ қолдауымен өткізіледі. Іс-шараның негізгі тақырыбы: «Жаңа Жібек жолындағы мультимодальды тасымалдау трендтері».
Форумда сарапшылар мен қатысушылар көлік жүйелерінің ынтымақтастығы мен интеграциясы, Орта дәліз бағытын дамыту, сондай-ақ мультимодальды тасымалдау саласындағы жаңа технологиялар мен инновациялар, жүктерді тасымалдау тиімділігін арттыру және жеткізу жағдайларын жақсарту мәселелерін талқылайды.
Бизнес-форум туралы толық ақпаратпен «KAZLOGISTICS» СТК сайтында https://kazlogistics.kz/ru/events/10 сілтемесіне өтіп, танысуға болады.