Ол кісі саналы ғұмырын Көкшетау қаласындағы байланыс кеңсесінде өткізген. Әкесі Макарычев Сергей Ақмола ОТД пайдалану және дамыту қызметінің бастығы болып зейнетке шықты, ал шешесі Елена Владимировна – шұғыл кезекшілер тобының жетекші инженері. Бір айта кетерлігі, Денис жұбайы – ЖЖТҚО аға электромеханигі Еленаны да «Қазақтелекомда» кездестірді.
Денис 2007 жылы Көкшетау экономика және менеджмент институтының ақпараттық жүйелер факультетін бітіре сала біздің компаниямызға келді.
Еңбек жолын абоненттік қолжетімділік учаскесінің инженері ретінде бастады, ал 2016 жылы абоненттерге техникалық қолдау көрсету цехының бастығы лауазымына көтерілді.
«Телеком – менің туған үйімдей болып қалды. Өйткені, күнде уақытымыздың көбін жұмыста өткіземіз. Жыл санап компанияның өсіп келе жатқанын, түрленіп, дамып жатқанын көрген қуанышты. Компаниямен бірге біз де өсіп, тәжірибемізді молайтып келеміз», – дейді Денис.
Күн сайын Денистің командасы туындаған ақаудың бәрін дер кезінде реттейді, озат технологияларды енгізіп, желіні дамытып келеді. Жұмысын жақсы көреді әрі ең сұраныс жоғары мамандықтың бірі деп санайды.
«Байланыс саласының маманы болудың қызығы мол. Адамдардың мобильді болғанына көмектескеніңді сезінудің өзі ұнамды. Байланыссыз бүгінгі әлемде күн көре алмайсың», – дейді Денис.