Корпоративтік мәдениет пен командалық рухты дамытуға бағытталған іс-шара қызықты тимбилдингтен басталды. Командалық ойындар барысында қатысушылар түрлі жағдайлардан бірлесіп жол тауып, тұрақтылықты сақтауға тырысты. Бірлігі жарасқан жұмысшылар бәсекеден гөрі ұжымдық рухты жоғары қойып, бір-бірін жеңіске жетеледі.
Іс-шара белгілі бизнес-тренер Ерлан Мұстафиннің дәрісімен жалғасты. Ол мұнайшыларға келіссөздер жүргізудің ерекшеліктері, қажетті нәтижені бекіту және ортақ мақсаттарға қол жеткізу туралы айтты. Осылайша, іс-шарада қаражанбастықтар тәжірибе алмасып, әріптестік қарым-қатынастарын нығайтты.