Ең басты мақсат – қызметкерлерімізді вирустан қорғау. Статусты анықтау ақпараттық жүйелер ПТР тестілеудің бірыңғай интеграциялық порталы және ҚР Денсаулық сақтау министрлігінің COVID-19 бақылау орталығы арқылы үйлестіріледі.
Жасыл статус – жүріп-тұруда шектеу жоғын білдіреді, мұндай адам базада COVID-19 індетіне ПТР-тестілеуі теріс нәтиже шыққан немесе індетке қарсы вакцинаның толық компонентін алған;
Көк статус – ПТР-тестілеудің нәтижесі жоқ, ауру жұқтырған адамдармен байланыста болған адамдар есебінде жоқ;
Сары статус – деректер базасында байланыста болғандар есебінде тұрған адам;
Қызыл статус – жүріп-тұрудың шектелгенін, Covid-19-ке оң нәтиже шыққанын, үй жағдайында оқшаулау режимін қатаң сақтауды білдіреді.