Кенбай кен алаңындағы №1 жатақханада тоғызқұмалақ, үстел теннисі, шахмат түрлерінен турнир өтті. Өте тартысты өткен жарыста шахматтан, тоғызқұмалақтан ерлер арасында жаңа жеңімпаздар анықталды.
Қайнар вахталық қалашығында футболдан өткен жарыста 1 орынды «Кенбай» МГӨЦ, 2 орынды «Уаз» мұнай және газ өндіру цехы, 3 орынды мұнай дайындау және айдау цехы ұжымы алды.
Волейболдан өткен жарыста 1 орынға «Кенбай» мұнай және газ өндіру цехы, 2 орынға «Уаз» мұнай және газ өндіру цехы, 3 орынға Жамансор командалары ие болды.
Турнир қорытындысы бойынша жеңімпаз командалар дипломдармен марапатталып, алдағы уақытта мұнайшылар арасында өтетін спартакиадада басқарманың атынан қатысатын құраманың мүшелері анықталды.