Жас мамандар жолаушылар тасымалын жетілдіру бойынша жаңа шешімдерді ұсынды

"Жолаушылар тасымалы" АҚ-да "Жолаушылар тасымалының тиімділігін арттыру. Жаңа шешімдер табу" тақырыбында "Жолаушылар тасымалының 100 жас есімі" дамыту бағдарламасы бойынша оқытудың үшінші модулі өткізілді. Қатысушылар теміржол жолаушылар тасымалын жақсарту бойынша өз идеяларын, әзірлемелерін және ұсыныстарын таныстырды, деп хабарлады "Қазақстан темір жолы" ҰК" АҚ баспасөз қызметі.

Оқыту қорытындысы бойынша "Жолаушыларды билетсіз тасымалдауды және ресімделмеген багажды болдырмау", "Билет сатылымын ұйымдастыру сапасын арттыру", "Сервистік персоналдың (жолсерік және билет кассирі) құзыреттерін дамыту" тақырыптарында үздік жобалар іріктелді.

Сондай-ақ, 2024 жылға дейін "Жолаушылар тасымалы" АҚ тиімділігін арттыру стратегиясы шеңберінде ішкі жаттықтырушыларды даярлау курстарынан өтетін 10 үздік қатысушы таңдалды.