Әзірге сын көп. Мысалы БАҚ бетінде жаппай жазылғандай, ұзақ жылдан бері "Жолаушылар тасымалы" компаниясына қарасты жолаушылар пойыздарын төсек-орынмен жабдықтап келген кәсіпкер қаншама адамды жұмыс орнымен қамтудағы тиісті ісінен шеттетіліп, ол өз кезегінде Ұлттық тасымалдаушының сот шешімін орындамай отырғанын айтып дабыл қағуда.
Компания өкілдері болса, бүгінде пойыздарды жаңаша жабдықтау енгізіліп жатқанын айтуда. Вагондарды жөндеу кестесі жасалып, жыл сайын жолаушылар паркі 100 вагонға жаңартылмақ. Ал бұл тұста мемлекет тарапынан субсидияланудағы теміржолдағы жолаушы көлігіне инвестиция керек. Аталған бағытта, баспасөз мәслихатын өткізушілердің сөзінше шығындарды азайтуға күш салынып, ұйымдастыру құрылымы ықшамдалуда және ішкі корпоративтік мәдениетке баса назар аударылуда. Әсіресе қазіргі заманғы цифрлы технологияларды іске қосу барлық үдерістердің тиімділігін көтермек. Нәтижесінде 20 миллионнан астам жолаушылар қауымына ұнамды қызмет көрсетіледі деп күтілуде.
2019 жылдың 11 айындағы дерекке тоқталсақ, 15 миллионнан астам жолаушы тасымалданып, билеттің электронды саудасы 80 пайызға дейін өскен.
"Бұрынғы "Тұлпар-Тальго" зауытында енді қандай вагондар шығарылатынын келесі жылы өтетін тендерде қараймыз. Ұзақ мерзімге әлі жаңа жылжымалы құрам өндірушіні анықтаған жоқпыз. Басты талап - жергілікті қазақстандық үлесті барынша қамту болады", - деп сендірді Михаэль Кортюм.
Дегенмен, ескерте кетерлігі, бүгінде "Тұлпар-Тальго" зауытында Ресейдің Тверь вагон жасау зауытының технологиясы бойынша 63 вагон жинастырылып үлгерген және дәл осы ресейлік өндіріс орнынан тағы 146 вагон жеткізілмек. Өзге озық үлгілі зауыттармен ынтымақтастықтың жайы белгісіз.