Күнделікті таңғы сағат 04:00-де басқа өңірлерден басылымдар вагондармен жеткізіледі және жергілікті баспаханалардан газеттер мен журналдар әкелінеді. Оларды сұрыптау, жөнелтілетін құжаттарды дайындау барынша мұқият және жедел жүргізіледі.
«Біздің жұмысымыз жылдамдықты талап етеді. Таңғы сағат 4-тен бастап орташа алғанда 2-5 мың газет данасын сұрыптаймыз. Таңертеңгі сағат 6-да олар жеткізуге дайын болуы тиіс. Сондықтан мен барлық жұмысты барынша тез жасауға дағдыландым», – дейді Сәнбала Ақботаева.
Жауапкершіліктің жүгін сезінетін ақтаулық маман «Қазпошта» АҚ-да 14 жылдан бері еңбек етеді.