«SK Ondeu» ЖШС-нің ғылым жөніндегі басшысы Алтынай Шарипова Назарбаев Университетінде өткен NU SEDS екінші жыл сайынғы ғылыми конференциясы аясында «Bridging the Gap: Industry–Academia Collaboration in Chemical and Materials Engineering in Central Asia» тақырыбындағы панельдік сессияда спикер ретінде сөз сөйледі.
Пікірталас барысында қатысушылар университеттер мен индустрия арасындағы өзара іс-қимылды күшейту арқылы ғылыми-зерттеу және тәжірибелік-конструкторлық жұмыстарды (R&D) дамыту мәселелерін талқылады. Сонымен қатар ғылыми инфрақұрылымды тиімді пайдалану және заманауи инженерлерге қойылатын талаптар — терең техникалық білім, дамыған soft skills және цифрлық құзыреттер — кеңінен қарастырылды.
Сессияда жаңа материалдар мен жасанды интеллектіні қолдануға негізделген озық технологияларды енгізуге саланың дайындық деңгейіне ерекше назар аударылды. Мұндай бастамалар ғылым мен өндіріс арасындағы байланысты нығайтып, өңірдің тұрақты технологиялық дамуына негіз қалайды.