2022 жылы Қытайдың Сианя портынан Қазақстан территориясы арқылы Еуропаға 4 мың жүк пойызы жүріп өткен. Бұл туралы Rail-news.kz Синьхуа агенттігіне сілтеме жасай отырып хабарлады.
Қытайдың Сианя портынан шыққан жүк еліміздің «Алтынкөл» шекара өткелі арқылы Калининградқа қарай бет алады. Ол жерден теңіз арқылы Ұлыбританияға жеткізіледі.
Жүк құрамында – автобөлшектер, өндірістік техникалардың жабдықтары, медициналық және өзге де тауарлар бар. Агенттіктің мәліметінше, 23 қараша күні Еуропаға бет алған жүк пойызына негізінен тұрмыстық техникалар тиелген.