Қазақстанның ірі операторы өзінің Sapa+ жобасын қарқынды іске асыруда. Егер айдың басында Қазақтелекомда 100 мың роутер орнатылды деп есеп берілсе, 20 күн ішінде компания мамандары бүкіл Қазақстан бойынша санын 200 мыңға жеткізіп, көрсеткішті екі есеге көбейте алды. Бүгінде Қазақтелекомда күн сайын түрлі арналар арқылы роутер ауыстыру туралы жүздеген өтініштер келіп түседі. Компания мамандары жаңа құрылғылар қоймаларға түскен сайын жабдықты белсенді түрде ауыстырып жатыр.
«Жоба басында логистика мен бизнес-процестер дұрыс жолға түскенше, нәтижесі де ауқымды болмады, алайда уақыт өте келе әріптестер тиісті қарқынға жетіп, жылдамдықтарын ұлғайтты, әрі бүгінде бүкіл Қазақстан бойынша клиенттерімізде күніне бірнеше мың жаңа роутер орнатылып жатыр. Жыл соңына дейін 380 мың қондырғы орнатамыз деген уәдемізде тұратынымызға сенімдімін, бүгінде 200 мың роутер орнатылды, енді бізге тағы 180 мың қондырғы жеткізу керек. Жалпы, өзім айтып өткенімдей, Sapa+ ұзақ мерзімді басымдыққа арналған жоба, оның шеңберінде клиенттеріміздің роутерін республика бойынша ауыстыруымыз керек», - деп атап өтті «Қазақтелеком» АҚ Басқарма төрағасы Бағдат Мусин.
Жоба облыс орталықтары мен моноқалаларды қоса алғанда, бүкіл ел бойынша бір мезгілде іске асырылуда. «SAPA+» жобасына өзінің қатысатынын тексеріп, жаңа роутер орнатуға өтінім беру үшін Қазақтелеком клиенттері iOS және Android құрылғыларында жүктеуге болатын Telecom KZ мобильді қосымшасын пайдалана алады. Сондай-ақ, https://telecom.kz/ru/sapa-plus сайтына жазып немесе 160 қысқа нөмиіріне хабарласуына болады.
Орнатылған роутерлер 5 ГГц жиілікте 2402 Мбит/с дейін және 2,4 ГГц жиілікте 574 Мбит/с дейін интернет жылдамдығын береді. Олар Wi-Fi және кабель арқылы компьютер, ноутбук пен заманауи гаджеттер үшін сенімді қосылымды қамтамасыз етеді. Роутердің кедергілер мен басқа да мәселе туындаған шақта байланыс сапасын сақтау үшін желіні бақылап, оңтайландырудың ақылды мүмкіндіктері бар.
«Қазақтелеком» АҚ Коммуникациялар және брендті дәріптеу департаменті