Бұл екі марка да «Ұмытылмас және мерейтойлық даталар» сериясымен жарық көрді. Қазақ радиосының 100 жылдық мерейтойына арналған пошта маркасының таралымы 2 млн дана, көлемі 26 х 18 мм. Марканың номиналы – 100 теңге.
Ал Гумилев атындағы Еуразия ұлттық университетінің 25 жылдығына арналған пошта маркасыны4 таралымы 1 млн дана, көлемі 26 х 18 мм, литерасы «В». Номиналы – 300 теңге. Авторы – дизайнер Іңкәрім-ай Оңғарбай.
Биыл Ұлттық пошта операторы «Фауна» және «Ұмытылмас және мерейтойлық даталар» сериясы бойынша әртүрлі тақырыпта 13 млн дана стандартты пошта маркаларын айналымға шығарады.
Пошта маркасы – бұл пошта операторының жазбаша хат-хабарларды жіберу қызметіне ақы төленгенін растайтын пошта төлемінің мемлекеттік белгісі.
Маркаларды «Қазпошта» АҚ-ның кез келген бөлімшесінен сатып алуға мүмкіндік бар. Сонымен бірге «Қазпоштаның» интернет-дүкенінен тапсырыс беруге де болады.