Осымен 28 рет өтіп жатқан 3 күндік шараның ашылу рәсіміне ҚР Энергетика министрі Болат Ақшолақов, «ҚазМұнайГаз» ҰК АҚ-ның Басқарма төрағасы Мағзұм Мырзағалиев қатысты. Ресми қонақтар көрмені аралап, компаниялардың өнімдерімен танысып, Халықаралық шара жұмысына қатысушыларға сәтті жұмыс тіледі.
Көрме алаңында бизнес-келісімдер жасалып, тиімді әріптестік байланыстар орын алды. Мұнай- газ саласындағы өзекті тақырыптар талқыланды.
Биыл өзінің ғасырлық мерейтойын атап өтіп жатқан отандық мұнай компаниясы-«Ембімұнайгаз» АҚ KIOGE-2022 шарасына қатысып, өндіріс және әлеуметтік саладағы жаңалықтарын ортаға салды. 100 жылға шолу жасалған деректі фильм көрсетіліп, көрме жұмысының қатысушыларына арнайы дайындалған имидждік материалдар ұсынды.