Оқыту тренингінің спикері – белгілі кәсіпкер, Маңғыстау облыстық іскер әйелдер кеңесінің мүшесі Шолпан Түсіпбекова.
Жас мамандар өз энергиясын басқару саласына жұмсауға тиіс стратегиялық құнды кадрлық ресурс болып табылады. Сондықтан нәтижеге жету үшін басымдықтарды, мақсаттар мен міндеттерді дұрыс нақтылай білу аса маңызды, дейді бизнес-тренер. Ол қызметте де, қоғамдық өмірде де кәдеге жарайтын табыс табудың құнды құпияларымен бөлісті.
«Семинар тың ақпараттарға толы, мазмұнды болды және өз идеяларымызды ретке келтіруге, қаржыны дұрыс пайдалану туралы білімімізді арттыруға көмектесті. Көп адам өз мүмкіндіктерін бағаламай, шектеуде ұстайды. Мұнда біз отбасы институтын құру, бала тәрбиелеудегі отбасылық құндылықтардың рөлі туралы көптеген ақпарат алдық», – деп әсерімен бөлісті қатысушылар.
Мұнайшылар практикалық тапсырмаларды орындап, сұрақ қойып, жаңа инсайттарды қызу талқылады. Айта кетейік, іс-шара жұмысшы жастарды өңірдің қоғамдық өміріне тарту жобасы аясында «Риза Ана» ҚҚ ұйымдастыруымен өткізілді.