Қазіргі таңда волейбол, баскетбол және шағын-футбол ойындарының жеңімпаздары анықталды. Тартысты ойындардың нәтижесінде волейбол ойыны бойынша өткен додалардың жеңімпазы болып №1 мұнай және газ өндіру цехының қызметкерлері танылды, 2-орын №3 мұнай және газ өндіру цехының қызметкерлеріне бұйырды, ал 3-орын мінберіне «ЖМГ» ӨБ әкімшілік-басқару персоналы көтерілді.
Баскетбол ойыны да тартысы мен тартымдылығы жағынан кем түспеді. Намысты қолдан бермеуге тырысқан мықтылар ойын алаңын эмоцияға толтырып, соңғы сәттерге дейін кімнің басым боларын болжауға да мүмкіндік бермеді. Нәтижесінде, баскетбол әуесқойлары келесідей нәтижеге қол жеткізді - №3 мұнай және газ өндіру цехы 1-орын, №1 мұнай және газ өндіру цехы 2-орын, мұнаймен ластанған топырақты жинау және тазалау учаскесі 3-орын.
Мұнайшылардың ерекше қызығушылығын тудыратын спорт түрлерінің бірі шағын-футбол. Компаниямыздың осы ойын түрінен құрама командасы облыс және республика бойынша сайытарда топ жарып, Компания атын шығарып жүр. Жетібайлық мұнайшылар арасында өтен сайыстар да әдеттегідей тартысқа толы болды. Теңбіл доп додасына қатысқан 5 команда арасынан №3 мұнай және газ өндіру цехы, қабат қысымын ұстау цехы және «ЖМГ» ӨБ әкімшілік-басқару персоналы ақтық кездесулерге жолдама алды.
Нәтижесінде Асар кенорнынан келген №3 мұнай және газ өндіру цехы мен қабат қысымын ұстау цехы финалда кездесті. Негізгі уақытта 2:2 есебімен тең түскен олар, пенальти арқылы жеңімпазды анықтап, 2:1 есебімен Асарлықтар алға шықты. Қабат қысымын ұстау цехы 2-орынға табан тіресе, «ЖМГ» ӨБ әкімшілік-басқару персоналы 3-орынды қанағат тұтты.