Жиын барысында Департамент басшысы Тоқтамыс Қадошұлы жиынға қатысушыларға алдағы уақытта атқаратын жұмыс бағыттарын түсіндіріп, өткен жылғы жүргізілген талдау қорытындысымен енгізілген бірқатар ұсыныстарды таныстыра отырып, осы кезеңдегі жауапты әрі маңызды мониторинг жұмыстары тиімді жүргізілетіндігіне сенім білдірді.
Департаменттің Мемлекеттік көрсетілетін қызметтер басқармасының басшысы Жасұлан Маршакұлы өз баяндамасында жиын қатысушыларына мониторинг жүргізуге өңірімізге бекітілген «Жер қойнауын пайдаланушылар тарапына қатысты әкімшілік рәсімдерді бюрократиядан арылту» бағыты бойынша жүргізілуі алгоритмін түсіндірді, бюрократиялық проблемаларды, оларды шешу жөнінде ұсыныстарын сапалы әзірлеу, негізгі бөлімнің рәсімделу тәртібі туралы толық ақпарат берді. Алдағы атқарылатын жұмыс бағыттарының маңыздылығын айтып, жауапты мониторинг жұмыстарына белсенді қатысуға шақырды.
«Маңғыстаумұнайгаз» АҚ бас директорының орынбасары Нұрпейіс Мизамбайұлы маңызды шара бойынша арнайы келіп түсіндірме жұмыстарын жүргізгендерге алғысын білдіріп, бірлесіп жұмыс жүргізетіндігін атап өтті.
Іс-шара барысында қатысушылардың ұсыныс, пікірлері тыңдалып, қатысушылар тарапынан қойылған сұрақтарға толықтай жауап берілді.