Игілікті іс-шарада «Маңғыстаумұнайгаз» АҚ бас директоры Мұрат Мұстафаев, бас директордың бірінші орынбасары Сюй Шиго, кәсіподақ төрағасы Мәди Кентанов қызметкерлерді кәсіби мерекесімен құттықтады.
Бас директор М.Мұстафаев ұзақ жылдар бойы компания Қазақстанның ең ірі салық төлеушілерінің үштігінен орын алып, жоғары көрсеткіштерге қол жеткізгенін атап өтті. Бұл – күллі компания ұжымының, мұнайшылардың жанқиярлық еңбегі мен тегеурінді қайратының нәтижесі.
Салтанатты іс-шарада озат еңбегімен танылған қызметкерлер ведомстволық наградалармен, компания басқармасының Құрмет грамотасы және Алғыс хатымен, «Маңғыстаумұнайгаз» АҚ 60 жылдық мерекелік медалімен марапатталды.
Жиын соңы М. Өскінбаев атындағы облыстық филармония өнерпаздарының концертіне ұласты. Мерейлі күні мереке төрінен табылған кеңсе қызметкерлері мұнайшылар мерекесін лайықты деңгейде атап өтті.