«Маңғыстаумұнайгаз» құрамасы халықаралық турнирге жолдама алды

«Маңғыстаумұнайгаз» АҚ командасы шағын футболдан «MFL CUP» турнирін жеңіп алды. 12-14 тамыз аралығында «Намыс Аренада» өткен жарысқа маңғыстаумұнайгаздықтардан «Кезби», «Жалын», «Таушық» және «Маңғышлақ» командалары қатысты.

Турнир айналмалы схема бойынша өткізілді. «Маңғыстаумұнайгаз» АҚ құрамасы үш матчта жеңіске жетіп, бір рет тең ойнады. Осылайша, мұнайшылар 10 ұпай жинап, «MFL CUP» жеңімпазы атанды, күміс медаль «Кезби» командасына бұйырса, жүлделі үштікке «Жалын» ілікті.

Жарыстың жеңімпаздары қыркүйек айының басында Нұр-сұлтан қаласында өтетін Сәкен Кенетаев атындағы халықаралық турнирге жолдама алды.