Кездесулер барысында Қазақстан мен Корея Республикасы арасындағы экономикалық ынтымақтастықты одан әрі дамыту, сондай-ақ экономиканың негізгі салаларында бірлескен жобаларды іске асыру перспективалары талқыланды.
Тараптар мұнай-газ, энергетика және тау-кен металлургиясы салаларындағы өзара іс-қимылды кеңейтуге ерекше назар аударды. Сонымен қатар мұнай-газ химиясы саласындағы ынтымақтастық пен перспективалы жобаларды іске асыру мәселелері қаралды.
Атап айтқанда, «QazaqGaz» ұлттық компаниясы іске асырып жатқан Қарашығанақ кен орнындағы газ өңдеу зауытын салу жобасына ерекше назар аударылды. Жобаның қуаты жылына 5 млрд текше метр газды құрайды. Hyundai Engineering аталған жобаға EPC мердігері ретінде қатысады.
Нұрлан Жақыпов Қазақстанның газ саласын дамыту, газ өңдеу көлемін арттыру және елдің энергетикалық қауіпсіздігін нығайту үшін жобаның стратегиялық маңызын атап өтті.
Hyundai Engineering – инженерлік-техникалық жобалау және құрылыс саласында қызмет көрсететін компания, Hyundai Engineering & Construction компаниясының еншілес ұйымы.