Ардагерге мемлекеттік марапатты облыс әкімі Махамбет Досмұхамбетов табыстады.
«Мемлекетіміздің мұнай-газ саласына арнаған еңбегімді бағалаған Президентімізге, облыс басшылығына алғысымды білдіремін. Тәуелсіз еліміздің экономикасының дамуында мұнайшылардың еңбегі зор. Сондықтан, бұл марапат - мұнайшы-ардагерлердің еңбегінің бағаланғаны деп білемін», - деді Мақсым Ізбасов.
Айта кетейік, «Парасат» орденімен азаматтар ғылым мен мәдениет, әдебиет пен өнер қайраткерлері, сондай-ақ, республиканың рухани және интеллектуалдық әлуетін дамыту мен молайтуға зор үлес қосқан немесе адам құқықтарын және оның әлеуметтік мүдделерін қорғау жөніндегі белсенді қызметі үшін марапатталады.