Тараптар «ақылды» қаланың құрамдас бөліктерін құру, сондай-ақ, қоғамдық және жол қауіпсіздігін қамтамасыз ету мақсатындағы «SmartCity Pavlodar» жобасын одан әрі іске асыру мәселелерін талқылады.
Бүгінгі таңда өңірдегі 156 әлеуметтік нысанда 5 567 бейнебақылау камерасы, 54 мектепте - ата-ана бақылай алатын функциясы бар кіруді бақылау және басқару жүйесі (КББЖ) орнатылған.
Барлық орнатылған жабдықтарды полиция департаментінің жедел басқару орталығына және облыс әкімдігінің ситуациялық-талдау орталығына 2024 жылдың 1 қыркүйегіне дейін іске қосу жоспарлануда.
Келесі кезеңде 37 саябақ пен скверде, сондай-ақ, саяжай алаптарында 131 бейнебақылау камерасын және 106 жол камерасын орнату жоспарлануда.
Өңір басшысы ұзақ мерзімді келісім аясында аталмыш жобаны іске асыру мәселелерін зерделей отырып, бірінші кезеңін сәтті іске қосу үшін барлық қажетті мәселелерді пысықтауды тапсырды.