Іріктеу кезеңінің финалистері болып акционерлік қоғамдар: «ҚазТрансОйл», «Маңғыстаумұнайгаз», «Ембімұнайгаз», «Өзенмұнайгаз», «Қаражанбасмұнай» мен мұнай өңдеуші зауыттар «Павлодар мұнай-химия зауыты», «Петро Казахстан Ойл Продактс», «Атырау мұнай өңдеу зауыты», сонымен бірге жауапкершілігі шектеулі серіктестіктер «ҚМГ Инжиниринг», «НМСК «Қазмортрансфлот», «СП «Қазгермұнай», «ҚазГӨЗ», «Өріктау Оперейтинг», «ТеңізСервис», «СП «Caspi Bitum», «ҚМГ Құмкол», «Қазақтүрікмұнай», «Kazakhstan Petrochemical Indastries Inc», «Маңғыстауэнергомұнай», «Кен-Кұрылыс-Сервис», «KMG EP-Catering», «Мұнайтелеком», «ӨзенМұнайСервис», «Oil Construction Company», «Oil Transport Corporation», «Oil Services Company».
Салауатты өмір салтын насихаттау, спортқа баулу және қызметкерлердің арасында өзара байланыс орнату мақсатында ҚМГ жыл сайын өңірлерде еншілес ұйымдары қатысатын спартакиада өткізеді.
ҚМГ аппарат басшысы Әлимұхаммед Құттұмұрат-ұлы жарысқа қатысушыларға арналған сөзінде: «Спорттық іс-шаралар бүгінде «ҚазМұнайГаз» компаниялар тобының өміріне терең енген. Ұлттық компанияның он мыңдаған қызметкерлерінің ішінде жоғары деңгейдегі спортшыларымыз бар. ҚМГ-дың дәстүрлі спартакиадасы біздің үлкен және танымал ұжымымыздағы бірліктің рухына айналды. Біздің еншілес ұйымдарымызда аралық және жыл сайын спартакиадалар өтеді. Корпоративтік спорттық іс-шараларды қолдау ҚМГ басшылығының берік ұстанымы болып табылады. Сіздерге ұмытылмас сәт, мол тәжірибе, жаңа достар және спорттағы маңызды дағдыларды игеруді тілеймін», деп атап өтті.
Ол спортшыларға белсенді өмірлік ұстанымдары үшін алғыс білдіріп, барлық қатысушыларға сәттілік, ал ең мықтыларына жеңіс тіледі.
ҚМГ Спартакиадасының бірінші күнінің қорытындысы:
Бұл күні «ҚазМұнайГаз» ҰК АҚ компаниялар тобы арасындағы Спартакиаданың қорытынды кезеңі басталды. Ашылу салтанатынан кейін турнир жарыстары өтті. Алғашқы болып қатысушылар қазақтың ұлттық ойыны — арқан тартудан өзара бақ сынасты.
Күш сынаған командалар «Бірлік» жекпе-жек сарайында кездесті.
Нәтижесі мынадай: 1-орын — «Өзенмұнайгаз» АҚ; 2-орын — «Қаражанбасмұнай» АҚ; 3-орын — «Павлодар мұнай-химия зауыты» ЖШС.
Турнирдің бірінші күні арқан тарту жеңімпаздарын марапаттау рәсімімен аяқталды.
ҚМГ Спартакиадасының екінші күнінің қорытындысы: Үстел теннисі ер/әйел: — Ахметбек Биятов («ҚазМұнайГаз» ҰК АҚ); — Лаура Айтжанова («Өзенмұнайгаз» АҚ).
Тоғызқұмалақ ер/әйел: — Канат Туремуратов («Қазақтүрікмұнай» ЖШС); — Сабина Умурзакова («ҚазТрансОйл» АҚ). Қол күрес ер/әйел: — Даурен Енсеп («Өзенмұнайсервис» ЖШС, 80 кг дейін); — Владислав Бодылевский («Павлодар мұнай-химия зауыты» ЖШС, 80 кг артық). — Екатерика Батырханова («ПетроҚазақстан ойл Продактс» ЖШС, 65 кг дейін); — Елена Буркальцева («ҚазТрансОйл» АҚ, 65 кг артық).