Форум пойыздар қозғалысының қауіпсіздігін қамтамасыз ету жөніндегі қызметті одан әрі дамыту мен жетілдіруді талқылауға арналған алаңға айналды. Кездесу модераторы-KAZLOGISTICS Қазақстан көлік одағы төрағасының орынбасары Юрий Лавриненко.
Логистика және көлік академиясының ректоры Салтанат Әмірғалиева өзінің құттықтау сөзінде жоғары оқу орны көліктік-логистикалық инфрақұрылым үшін жүздеген мың білікті кадрлар дайындағанын атап өтті.
"Біз түлектеріміздің арасында әр түрлі деңгейдегі талантты басшылар, экономиканың әр түрлі салаларының өкілдері, республикадан тыс жерлерде өз ЖОО – ны дәріптейтін ғалымдар бар екенін мақтан тұтамыз. Бізде көптеген стратегиялық жоспарлар, қызықты жобалар бар және оларды жүзеге асыруға бар күшімізді саламыз", - деді ректор серіктестеріне берік қарым-қатынастары мен зор қолдауы үшін алғысын білдіре отырыпі.
"ҚТЖ" ҰК" АҚ Басқарма төрағасының орынбасары Қанат Әлмағамбетов теміржол көлігінде сенімділік пен қауіпсіздікті қамтамасыз етуде тасымалдау процесіне барлық қатысушылардың тығыз өзара іс-қимылы шешуші рөл атқаратынын атап өтті.
Оның айтуынша, үздіксіз тасымалдауды қамтамасыз ету және магистральдық желінің өткізу және тасымалдау қабілетін арттыру үшін үш жыл ішінде ҚТЖ 1200 шақырымнан астам теміржол салуды жоспарлап отыр.
Қазіргі уақытта Достық - Мойынты темір жол учаскесінің екінші жолдарының құрылысы жүргізілуде, Дарбаза - Мақтаарал, Бақты-Аягөз, Алматыны айналып өту жолдарының құрылысы жоспарланған. Негізгі қарқынды жүк жүктемесі жоғары учаскелерде жаңа технологиялар мен заманауи жол жөндеу техникасын пайдалана отырып жоспарлы жөндеу жұмыстары іске асырылады. Локомотив паркін жоспарлы жаңарту жүргізілуде. Биыл ең ірі сатып алу: 163 локомотив сатып алынды. 2029 жылға дейін парк тағы 300 заманауи локомотивпен толықтырылады.
Форум барысында теміржол көлігіндегі қозғалыс қауіпсіздігін қамтамасыз ету және цифрландыру саласындағы өзекті тақырыптарға арналған панельдік сессиялар, сондай-ақ теміржол саласы өнімдерінің көрмесі өтті.
Іс-шараға қатысушылар мұндай кездесулер жұмыс ауқымын айқындап алуға, теміржол көлігіндегі бұзушылықтарға сенімді тосқауыл жасауға, ұсынылатын көлік қызметтерінің сенімділігі мен сапасын арттыруға мүмкіндік беретінін атап өтті.
"Қазақстан темір жолы" ҰК" АҚ баспасөз қызметі