Ерлер және әйелдер арасындағы волейбол жарысында Қоғамның кәсіподақ комитетінің командасы бірінші орынды, Өндірістік департамент қызметкерлері екінші орынды алса, Әлеуметтік әкімшілік сұрақтар департаментінің ұжымы үздік үштікті түйіндеді.
Гүлжамал Бижанова – волейбол турнирінің үздік бапкері, Мерей Тұмаев - үздік либеро, Мәди Кентанов - үздік шабуылшы деп танылды.
Арқан тартыс сайысында Кұрделі құрылыс департаментінің командасы мықты болса, ІІ орынға ӘӘСД қызметкерлері ие болып, ӨД командасы жеңіс тұғырының үшінші сатысына көтерілді.
Сондай-ақ КҚД командасы баскетбол турнирінің жеңімпазы атанды, «күміс» жүлде ӘӘСД командасына бұйырды, ал ӨД спортшылары қола медальға ие болды.
Баскетбол жарысында Ақан Рахманұлы үздік ойыншы, Нұрлыбай Елубаев үздік қорғаушы, Қаныш Ақмурзин үздік шабуылшы болып танылды.
Әйелдер арасында жүзу сайысында (қашықтық – 50 метр, еркін стильде) Әлия Ғабидула жеңімпаз атанса, Гүлжан Оңғалиева екінші орынды иеленді.
Ерлер арасында (100 метр) Нұржан Хұсайынов үздік жүзуші атанды, Беглен Ходжаев екінші, Марс Серіков үшінші орын алды.
Мини-футболдан өткен турнирде КҚД спортшылары жеңіске жетіп, екінші орынды Қоғамның бірлескен командасы, үшінші орынды ӘӘСД қызметкерлері иеленді.
Футзалдан турнирдің үздік қақпашысы Бауыржан Ходжаев, үздік қорғаушы Самат Темірхасов, үздік шабуылшы болып Қайрат Мадемиев танылды.
Сонымен қатар, «Қаламқасмұнайгаз» ӨБ, «Жетібаймұнайгаз» ӨБ және Қоғамның орталық аппаратының басшылық құрамы арасында шағын футболдан турнир өтті.
Жарыс қорытындысы бойынша үшінші орынды ЖМГ-1 командасы, екінші орынды ММГ-1 командасы иеленсе, ҚМГ футболшылары турнир жеңімпазы атанды.
Жарыстың үздік ойыншысы Болат Сейітмағанбетов, үздік шабуылшы Дәурен Темір, үздік қақпашы болып Жоламан Ерболатов танылды.