Кездесу «ҚТЖ» ҰК» АҚ делегациясының Тәжікстан Республикасына жұмыс сапары аясында өтті. Кеңес барысында «Қазтеміртранс» АҚ вагондарында ТАЛКО өндірісінің қажеттілігі үшін шикізатты тиеуді ұлғайту бойынша уағдаластыққа қол жеткізілді.
Бұл ретте тараптар зауыт дайын өнімінің 95% «Қазтеміртранс» АҚ вагондарында тасымалданатынын атап өтті. Сонымен қатар, «Қазтеміртранс» АҚ өкілдері Тәжік темір жолы басшылығымен кездесті. Тәжікстан аумағынан жеміс-көкөніс өнімдерін маусымдық тиеу мәселелері қаралды. Тараптар «Қазтеміртранс» АҚ вагондарында жүк тиеуді өзара тиімділікпен арттыру туралы келісті.