Басқарма төрағасы Қазақстан Президентіне компанияның 2019 жылдың алғашқы тоқсанындағы жұмыс нәтижесін, осы жылға жоспарлары мен салалық Жол картасының жүзеге асырылудағы негізгі бағыттары туралы мәлімет берген.
"Қасым-Жомарт Тоқаев теміржол тасымалын дамыту бойынша шаралар қабылдау қажеттігін айтты. Президент қазіргі басты мақсат ретінде темір жолдарды одан әрі модернизациялау, еліміздің көлік-логистика және транзиттік әлеуетін арттыру екенін атады.
Мемлекет басшысы кездесу соңында бірқатар нақты тапсырмалар берді" делінген хабарламада.
Жалпы, бүгінгі таңда, "ҚТЖ" ҰК" АҚ желісі бойынша жол-жөндеу жұмыстары басталған.
Толықтай алғанда, 2019 жылы 730 км астам жолды сауықтыру жоспарланған.
Жолды жаңғырту жүк және жолаушылар пойыздары қозғалысының жылдамдығын көтеруге, теміржол инфрақұрылымының сенімділігін арттыруға мүмкіндік бермек.