Ашылу салтанаты барысында ҚМГ басшылығы қатысушыларға сәттілік тілеп, шара өндірісті басқарудағы шеберлердің рөлін арттыру мен еңбекке шығармашылық көзқарасты ояту, озық тәжірибе мен өндіріс мәдениетін зерделеу мен тарату маңыздылығын атап өтті. Ал байқауға қатысушылардан сергектік пен жеңіске ұмтылыс айқын сезіледі. Олар бір-бірімен танысып, байқаудың алғашқы кезеңі – теориялық тапсырмаларға кірісті.
Сайыста шеберлерге өз дағдыларын көрсетіп, тәжірибе алмасып, қарым-қатынас жасауға мүмкіндік беріледі. Қатысушылар үздік мұнай және газ өндіру операторы, химиялық талдау зертханашысы, ұңғымаларды зерттеу операторы, тауар операторы, компрессорлық қондырғылар машинисі, қабат қысымын ұстау операторы, электромонтер, ҰЖЖ және ҰКЖ бригадасы ретінде 13 аталым бойынша жеке және командалық есепте бақ сынайды.