Qazaq Air Атырау мен Астрахань арасында қайта қатынайды

26 сәуірден бастап қазақстандық Qazaq Air әуе компаниясы Атырау мен Астрахань қалалары арасында аптасына 2 рейс жиілікпен халықаралық рейстерді орындауды жоспарлап отыр. Бұл туралы Индустрия және инфрақұрылымдық даму министрлігі хабарлады.

Рейстер сейсенбі және сенбі күндері Bombardier Q400 типті әуе кемесінде орындалады.

Барлық рейс санитарлық-эпидемиологиялық талаптарды қатаң сақтай отырып және әуекомпания сайтында жарияланған кестеге сәйкес жүзеге асырылатын болады.