26 қыркүйек 2019, 14:36 2335

ҚМГ: қазір мұнайдың қолайлы бағасы - $60-70

Бұл туралы, бүгін, Нұр-Сұлтан қаласында өтіп жатқан "Kazakhstan Energy Week-2019" апталығында "ҚазМұнайГаз" ҰК" АҚ Басқарма төрағасы Алик Айдарбаев айтты.

"Мұнай болашағы: ақиқат және болжам" интерактивті пікірсайысында мұнай-газ саласының өзекті мәселелерін талқылауға Қазақстан Республикасының энергетика министрі Қанат Бозымбаев, ОПЕК бас хатшысы Мұхаммед Баркиндо сынды отандық және әлемдік сарапшылар қатысты.

Пікір алмасу барысында дүниежүзі бойынша мұнайды шамадан тыс пайдалану, алдағы уақыттағы мұнай сұранысы мен ұсыныс географиясының өзгеруі, жаңа энергетикалық ахуал және оның еліміздегі отын-энергетикалық кешеніне ықпалы, мұнай бағасы және өзге де мәселелер жан-жақты таразыланды.

"Бүгінгі шарада "ҚазМұнайГаз" компаниясы үшін өзекті сұрақтар мен түйткілдер көтерілді. Оның ішінде мұнай бағасы, әлемдік энергетика нарығындағы тұрақсыздықты сөз етудеміз. Жалпы, қазіргі кездегі 60-70 доллар шамасындағы мұнай бағасы "ҚазМұнайГаз" компаниясы үшін қолайлы болып табылатынын атап өткім келеді", - деді Алик Айдарбаев.

Еще больше новостей на нашем telegram-канале , подписывайся и будь в курсе!

К списку статей Следующая статья