Главная Новости АМӨЗ булану алқаптарын қалпына келтіру жұмыстарын бастады
Компания тынысы07 сәуір 2021, 11:24 235

АМӨЗ булану алқаптарын қалпына келтіру жұмыстарын бастады

АМӨЗ булану алқаптарын қалпына келтіру жұмыстарын бастады

Атырау МӨЗ TAZALYQ жобасы аясында булану алқаптарын қалпына келтіру бойынша дайындық жұмыстарын бастады. Бұл зауыттың сарқынды суларын  булану алқабына ағызуды кезең-кезеңімен тоқтатуды, оны пайдалануды және Атырау өңірінің жер асты суларына, флорасы мен фаунасына теріс әсерін болдырмауды білдіреді.

Жақын арада алқаптарға кіреберіс жолдарды, алқаптардың қалалық бөлігі мен АМӨЗ-ге тиесілі бөлігі арасында қоршау бөгетін салуға арналған алаңдарды дайындау жұмыстары басталады.

Әрі қарай, жоба технологиясына сәйкес булану өрістерінің аумағын 4 секторға бөліп, құрғата бастайды (оның ішінде қамыстарды шауып, жер жыртып және арнайы биологиялық өніммен өңдейді).

5 сәуір  күні  дайындық жұмыстарын басталуына арналған салтанатты рәсіміне Атырау облысы экология департаментінің басшысы Әлібек Бекмұхаметов, Атырау облысы Табиғи ресурстар және табиғат пайдалануды реттеу басқармасының басшысы Арыстан Қадыржан, экологиялық ҮЕҰ өкілдері, АМӨЗ және мердігерлік ұйымдардың басшылығы қатысты.

«2021 жыл «Қазмұнайгазда» Экология жылы деп жарияланды және Атырау өңірі алдындағы өз жауапкершілігін түсіне отырып, Атырау мұнай өңдеу зауыты TAZALYQ сияқты ауқымды экологиялық жобаны жүзеге асыруда. Біз сарқынды суларды жоғары сапалы тазартуды қамтамасыз ететін, қоршаған ортаға ластаушы заттардың ағызылуын айтарлықтай төмендететін заманауи технологиялық процестерді іске қосамыз», – деді «АМӨЗ» ЖШС Бас директоры Шухрат Данбай.

АМӨЗ TAZALYQ жобасын беделді қаржы институтымен және экологиялық жобаларды іске асырудағы көшбасшы – Еуропа Қайта Құру және даму банкімен бірлесіп жүзеге асыратынын атап өткен жөн.

Бұл жоба тек экологиялық мәселелерді ғана емес, сонымен қатар аймаққа тән әлеуметтік мәселелерді де шешетіндігін көрсетеді. Атап айтқанда, өткен жылдардағы кәсіпорын қызметінен қоршаған ортаға теріс әсер ету салдарын жоюға байланысты.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: