01 қараша 2023, 12:18 1157

Мұнайшыларға – мерекелік марапат

Республика күні мен Ақтау қаласының 60 жылдығына орай «Қаражанбасмұнай» АҚ жұмысшыларына құрмет көрсетілді. Компания басшылығы қара алтын өндіру саласының дамуына елеулі үлес қосып келе жатқан мұнайшыларды қос мерекемен құттықтап, қаражанбастықтардың адал еңбегі мен жоғары кәсібилігін атап өтті.

Орталық кеңсе мен кен орнында жұмыс істейтін 40-тан астам жұмысшы «Самұрық-Қазына» АҚ мен «ҚазМұнайГаз» ҰК» АҚ мерекелік төсбелгісі, Құрмет грамоталары мен Маңғыстау облысы әкімінің алғыс хаттарымен марапатталды. Бұдан бөлек Ақтау қаласының әкімі Ұлықбек Тінәлиев мұнайшыларды арнайы қабылдап, «Ақтау қаласына 60 жыл» мерекелік медалін табыс етті. Шаһар басшысы өндірісті өрге өрлетіп жүрген қызметкерлерге шынайы алғысын білдіріп, толағай табыс тіледі.

«Қазыналы өлкедегі мұнай өндірісінің алға басуына әр жұмысшының қосатын үлесі зор. Еңбегімізді елеп, алғысын білдіріп жатқан басшыларға көп рақмет. Кез келген марапат – жұмыс нәтижесінің еселенуі мен жетістікке ұмтылуға талпыныс сыйлайды. Артылған сенім мен үмітті ұжым болып ақтауға бар күш-жігерімізді саламыз», – деді марапат иелері.

Еще больше новостей на нашем telegram-канале , подписывайся и будь в курсе!

К списку статей