10 темір жол өткелінде бейнекамера орнатылды

Теміржолдағы қауіпсіздікті арттыру мақсатында жүргізушілер жол қозғалысы ережелерін жиі бұзатын өткелдерге 10 «Бүркіт» аппараттық-бағдарламалық жүйесі орнатылды.

Жол ережесін бұзу жайдайлары жиі болатын өткелдерді анықтау мақсатында 54 теміржол өткелі тексеріліп, оның 10-ында бейне-тіркегіштер орнатылды.

Пилоттық режимде бейнебақылау камераларымен төмендегі өткелдер жабдықталды:

• Астана бекетінің екі өткелі;
• Жаңа-Қарағанды-Майқұдық өткелдері;
• Қарағанөзек бекетінің өткелі;
• Алматы бөлімшесі магистральдық желісінің шекаралары: Ақсеңгір-Шемолған, Байсерке-Жетісу, Ақсеңгір-Бұрындай өткелдері;
• Байсерке бекеті.

Жақында бейнебақылау камералары магистральдық желінің Жамбыл және Семей бөлімшелеріндегі өткелдерде орнатылады.