107 мыңнан астам адам «Бригадир конверті» қызметін пайдаланды

Соңғы үш жылдың ішінде 107 мыңнан астам адам «Жолаушылар тасымалы» АҚ «Бригадир конверті» қызметі арқылы пошта-хат алмасу мүмкіндігін пайдаланды. Аталмыш қызмет Компанияға қарасты барлық пойыздарда бар.

«Бригадир конверті» қызметі арқылы жөнелтуші пойыз басшысына конвертті бермес бұрын күтіп алушыға қатысты мәліметтерді (жеке басын куәландыратын деректерге сәйкес Т.А.Ә., ұялы/қалалық телефон нөмірі, Қазақстан аумағы бойынша жөнелту және межелі стансасы, пошталық мекенжайы, алушының Т. А.Ә.) көрсетіп, буып-түйіліп және мөрленген кейін ғана конвертті (поезд бастығының қатысуымен мөрленеді) жібере алады.

Құжат жіберем деушілер көлемі А4 форматына сәйкес ені 3 см. аспайтын конвертті пойыз басшысына табыстауы керек (тасымалдауға тек қағазға ғана рұқсат бар). Конвертте қарсы алатын адамның аты-жөні, байланыс телефондары жазылуы тиіс. Қызметтің бағасы 500 теңге. Конвертті алған пойыз басшысы оған ақша төленгенін растайтын түбіртек береді. Конвертті алған кезде қарсы алушының өзімен бірге жеке басын куәландыратын құжаты болуы тиіс.

Талап етілмеген «Бригадир конверті» қайтару туралы жөнелтушіге/алушыға хабардар еткен күннен бастап 30 күні сақталады. Егер пойыз жеткен жерінде конвертке ешкім келмесе, онда ол 30 күннен кейін жөнелтушінің көрсетілген мекен-жайына пошта арқылы кері жіберіледі.

Маңызды хаттарды, шарттарды, шоттарды және басқа да жедел құжаттарды жіберу немесе алу әлі де сұранысқа ие, сондықтан Ұлттық тасымалдаушы «Бригадир конверті» қызметін пайдалануды ұсынады.