Главная Новости 12 ереже: жазатайым оқиғаға жол жоқ
Компания тынысы09 қыркүйек 2021, 09:00 399

12 ереже: жазатайым оқиғаға жол жоқ

12 ереже: жазатайым оқиғаға жол жоқ

Қауіпсіздік техникасы мен еңбекті қорғау – «Қаражанбасмұнай» АҚ –дағы корпоративтік мәдениеттің ажырамас бөлігі. Өндірістегі жазатайым оқиғалардың алдын алу және еңбек қауіпсіздігі мен еңбекті қорғау саласындағы мәдениетті арттыру мақсатында ҚБМ-да жұмыс кезінде сақталуы қажет 12 негізгі ереже бар.

Компания сенімді және апатсыз жұмыс істеу, жұмысшылар үшін қауіпсіз және салауатты еңбек жағдайын жасау, қоршаған ортаға залал келтіруді азайту қағидаттарын ұстанады. Осы «Алтын ережені» сақтау – адам өмірін қорғау үшін аса маңызды.

«Өкінішке қарай, соңғы кезде ҚБМ аумағында өз қызметін жүзеге асыратын Қоғам жұмысшылары мен мердігер ұйымдар арасында жарақаттану жағдайы жиілеп кетті. Сондықтан, жұмысшыларды еңбек қауіпсіздігі мен еңбекті қорғау, қоршаған ортаны қорғау бойынша «Алтын ережелерді» сақтауға шақырамын», – деді ЕҚжҚТ жөніндегі аға инженер Марат Ақжанов.

ҚБМ өндірістік жарақаттануды толық болдырмау мақсатында қауіпсіздік техникасын жақсартуға бағытталған процестерді жетілдіруді жалғастырып жатыр. Компания 2021 жылы ГОСТ-12.0.230-2007 еңбекті қорғауды басқару жүйесінің Мемлекетаралық стандарты талаптарына сәйкестігін сертификаттауды растады. Аталмыш стандарт ILOOSH 2001 Guidelines on occupational safety and health management systems құжатымен бірдей, кәсіпорынның өндірістік және кәсіптік тәуекелдер факторларын қатаң бақылауды жүзеге асыратынын, өз персоналының қауіпсіздігі туралы қамқорлық жасайтынын, персоналдың денсаулығын қорғау және қауіпсіздігін басқару жүйелерін тиісті басқаруды және бақылауды қамтамасыз ете алатынын куәландырады.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: