180 станцияда модульдік ғимараттар орнатылады

Осы жылы ҚТЖ магистральдық желі дирекциясы желілік кәсіпорындар өндірістік қызметкерлерінің демалуы мен тұруы үшін 180 модульдік ғимарат сатып алды. 2023 жылы мұндай модульдік ғимараттар 132 разъездер мен станцияларға орнатылды.

Заманауи модульдік үйлер темір жолдың барлық бөлімшелерінде салынуда. Бүгінгі таңда 146 ғимарат пайдалануға берілді. Биылғы негізінен Қарағанды, Көкшетау, Қызылорда, Ақтөбе, Атырау және Маңғыстау өңірлерінде орнатылады.

Темір жол бойына шығып тұратын жол монтерлері, электрмен жабдықтау, энергетика және байланыс жұмысшылары үшін қолайлы жағдайлар жасалады. Модульдік үйлер барлық қажеттіліктермен – жиһаз, техника, ыдыс-аяқ және т.б. жабдықталған, барлық инженерлік коммуникация тартылған. Көлеміне қарай мұндай үйлерде 4-тен 10 адамға дейін тұра алады.