2 жылда – 100 мыңнан астам қолданушы

Екі жыл бойы компанияда мобильді қосымша – «Өндірістік қауіпсіздік» (ӨҚИЖ) интеграцияланған жүйесі жұмыс істейді. Осы әзірлеменің көмегімен компанияның әрбір қызметкері онлайн режимінде қауіпсіздік нормаларын бұзу фактілері туралы хабарлай және адамдардың өмірі мен денсаулығына төндіретін қауіпті жұмыстарды тоқтата алады.

Бүгінде жүйеде 105 мыңнан астам пайдаланушы тіркелген. Анықталған және тіркелген қауіпті жағдайлар үшін қызметкерлер ақшалай сыйақылармен көтермеленеді. 2021 жылы 380-нен астам қызметкерге сыйақы берілді.

Жыл сайын жүйенің ең белсенді пайдаланушысына 3 млн теңге сомасында сыйақы беріледі. 2021 жылдың қорытындысы бойынша Маңғыстау магистральдық желі бөлімшесінің жол машиналарының машинист-нұсқаушысы Қайрат Әбдашов ақша сертификатының иегері болды. Ол 71 қауіпсіздіктің мінез-құлық диалогын (PDB) рәсімдеді. Және де анықтаған сәйкессіздіктер толығымен жойылды.

Мобильді қосымша арқылы ӨҚИЖ-де 20 мыңнан астам ҚМД тіркелді. Теміржолшылармен көптеген ықтимал оқиғаларға жол берілмеді.

Алғыс хаттармен:

Құсмұрын тарту қосалқы станциясының бастығы Сергей Черехович;
техникалық-жолаушылар паркінің аға шебері Мұрат Алпысбаев;
Семей өңірлік қызмет көрсету орталығының есепке алу тобы бастығының орынбасары Лаура Исабекова;
Қостанай станциясындағы «ӘТЖК» ЖШС күзетшісі Алексей Пресный;
«Жолаушылар тасымалы» АҚ «Экспресс» филиалының өндірістік оқыту нұсқаушысы Көкен Мейірманов;
электромеханик Ринат Ержанов;
локомотив депосы учаскесінің бастығы Есім Анапияев;
Жаңа-Семей ст. техникалық қызмет көрсету пунктінің бастығы Қуат Шалтаев марапатталды.