10 ақпан 2022, 11:20 2438

2021 жылы БЭЖ аймақтарының бәрінде электр өндірісі артты

Жүйелік оператордың дерегі бойынша, Қазақстанның электр станциялары 2021 жылғы қаңтар-желтоқсан айларында 114 447,9 млн кВт.сағ электр энергиясын өндірді, бұл 2020 жылға қарағанда 5,8%-ға жоғары. Қазақстан БЭЖ аймақтарының бәрінде өндірістің өсуі байқалды.

2021 жылғы қаңтар-желтоқсанда 2020 жылдың ұқсас кезеңімен салыстырғанда Ақмола, Жамбыл, Қызылорда және Түркістан облыстарында электр энергиясын өндіру (өсім 15% және одан жоғары) айтарлықтай өсті.

«Самұрық-Энерго» АҚ энергия өндіруші ұйымдарының 2021 жылғы Қаңтар-желтоқсан айларында электр энергиясын өндіру көлемі 35 609,3 млн кВт.сағат. Электр энергиясын өндіруді ұлғайту 2020 жылдың ұқсас кезеңінің көрсеткіштерімен салыстырғанда 13,5%-ды құрады.