30 мамыр 2023, 10:55 1001

2022 жылдың қорытындысы бойынша Қазақтелекомның таза пайдасы 128 млрд теңгеден асты

Бүгін «Самұрық-Қазынаның» Қоғамдық кеңесі «Қазақтелеком» АҚ топ-менеджментінің Компанияның 2022 жылғы қызметінің нәтижелері және алдағы кезеңге арналған жоспарлары бойынша есебін тыңдады. Отырыста Телеком-оператордың бас қаржы директоры Людмила Атамұратова Кеңес мүшелеріне, сарапшыларға және БАҚ өкілдеріне өткен жылғы қаржы-экономикалық қорытындылар бойынша егжей-тегжей айтып берді.

Атап айтқанда, қаржы директоры шоғырландырылған есептілікке сәйкес, «Қазақтелеком» компаниялар тобының кірісі 7%-ға артып, 2021 жылдың қорытындысы бойынша 594 млрд теңгеге қарағанда 634 млрд теңгені құрап, таза пайда 128 млрд теңгеден асып, бір жылда 32%-дан аса артқанын хабарлады. Бұл ретте айта кетерлігі, кірістің өсуіне қызметтердің тіркелген және мобильді сегменттерінде бірдей қол жеткізілді.

Бұдан басқа, EBITDA көрсеткіші (пайыздарды, салықтарды, тозуды және есептелген амортизацияны төлеу бойынша шығыстар шегерілгенге дейінгі пайда көлемі) 2022 жылы да алдыңғы ұқсас кезеңмен салыстырғанда 3%-ға өсті (2022 жылы 285 млрд теңге, 2021 жылы 278 млрд теңге). EBITDA бойынша рентабельділік 45%-дан төмен болмайтын деңгейде сақталып келеді.

Бүгін 30 мамырда акционерлердің жалпы отырысында бекітілетін Топтың аудиттелген қаржылық есебін компанияның корпоративті порталында және Қазақстандық қаржы биржасының сайтында жариялау жоспарланған.

Еще больше новостей на нашем telegram-канале , подписывайся и будь в курсе!

К списку статей Следующая статья