2022 жылы әуе жолаушылар тасымалы 15 пайызға артты

Мәселен, 2022 жылғы 11 айдың қорытындысы бойынша қазақстандық әуе компаниялары тасымалдаған жолаушылар саны 2021 жылмен салыстырғанда 15%-ға артып, 9,9 миллион жолаушыны құрады  (2021 жылы – 8,6 млн жолаушы, 2020 жылы – 5,0 млн жолаушы).

Болжам бойынша, 2022 жылғы тасымалданған жолаушылар саны шамамен 10,8 миллионға жетеді деп күтілуде.  2021 жылғы көрсеткіштен өсім (9,4 млн жолаушы) 15%-ды құрайды.

Қазақстан тәуелсіздік алғалы бері алғаш рет жолаушылар тасымалы 10 миллион жолаушыдан асады.

2022 жылғы қаңтар-қараша айларында отандық әуе компаниялары ішкі бағыттар бойынша 7 млн жолаушы (2021 жылы – 6,9 млн, 2020 жылы – 4,1 млн), халықаралық бағыттар бойынша – 2,9 млн жолаушы (2021 жылы – 1,7 млн , 2020 жылы – 0,9 млн) тасымалдады.

«Air Astana» әуе компаниясының жолаушылар ағыны шамамен 3,7 миллион адамды, «FlyArystan» – 3,0 миллионға жуық, «Qazaq air» – 0,5 миллион және «SCAT» – 2,7 миллион адамды құрады.