2024 жыл басынан бері 514,2 км теміржол желісі жөнделді

Жұмыстар кестеден озып жүргізілуде. Бүгінгі таңда жөндеудің барлық түрлерімен 514,2 км жол жөнделді, бұл жоспарланған көлемнен 3,4% артық. Бұл ретте, күрделі жөндеумен 218,8 км, күшейтілген орташа жөндеумен – 46,3 км, орташа жөндеумен 1,5 км қамтылды, сондай-ақ 54,5 км рельстік тірек, 27,8 км рельстік жолтабан ауыстырылып, 165,3 км қиыршық тасты терең тазарту бойынша жұмыстар орындалды.  

Жол жөндеу магистральдық желінің барлық учаскелерінде жүргізіледі.

Инфрақұрылымды жаңғырту және ағымдағы күтіп ұстау бойынша жоспарлы жұмыстарды жүргізу учаскелерде жылдамдыққа уақытша шектеулер енгізуді талап етеді, бұл жолаушылар және жүк пойыздарының қозғалыс кестесінің сақталуына әсер етеді.  

Жөндеу-жол науқаны осы жылдың наурыз айында басталды және барлық аймақтарды қамтиды. Бұл ретте рельс-шпалдық торды толық ауыстыра отырып, 570 км-ден астам теміржол күрделі жөндеуден өтеді.