2025 жылы SKSTORE.KZ порталында тапсырыстардың рекордтық саны тіркелді

Samruk Kazyna Store электронды дүкені отандық бизнесті дамытуда маңызды рөл атқарады.

Отандық өндірушілерге сатып алу жүйесінде басымдық беріледі, олар үшін тарифтік жеңілдіктер қарастырылған. Сондай-ақ тапсырыс берушілермен жұмыс істеудің барлық кезеңдерінде жеке сүйемелдеу қамтамасыз етіледі.

2025 жылдың алғашқы жартыжылдығын қорытындыласақ, SKSTORE-дағы жалпы тапсырыстар саны 36 880-ге жетті. Тек 2025 жылдың алғашқы алты айында 16 700 тапсырыс рәсімделген. Бұл 2024 жылдың сәйкес кезеңімен салыстырғанда 60%-ға көп.

2024 және 2025 жылдардың 6 айын салыстырғанда, жеткізушілер саны 7%-ға артып, қазіргі таңда олардың жалпы саны 15 мыңға жуықтады.

SKSTORE.KZ электронды дүкені – бұл қазақстандық кәсіпкерлерге «Самұрық-Қазына» АҚ компанияларына тауарлар мен қызметтерді сатуға мүмкіндік беретін автоматтандырылған электронды сауда алаңы.

Электронды дүкендегі жеткізушілердің 95%-ы - шағын және орта бизнес өкілдері, олардың 60%-ы – жеке кәсіпкерлер.