Главная Новости 25 миллион теңге қай балуанға бұйырады?
Маңызды07 маусым 09:05 723

25 миллион теңге қай балуанға бұйырады?

25 миллион теңге қай балуанға бұйырады?

Нұр-Сұлтандағы "Ханшатыр" сауда орталығында "Қазақстан барысы" елдік аламанына қатысатын балуандардың салмағын өлшеу рәсімі өтті. Жалпыхалықтың күрес мерекесіне айналған дүбірлі шара ертең, 8 маусым, сағ. 12.00-де Тұран даңғылы 57 мекенжайындағы "Барыс арена" көпсалалы мұз сарайында басталады.

Барлық өңірден сайдың тасындай іріктелген 33 атанжілік балуан Елбасы жүлдесі үшін тартысқа түссе, көрермендер арасында автокөлік ойнатылады. "Самұрық-Қазына" қоры бас серіктесі болып саналатын 6 сағаттық керемет шоудың концерттік бағдарламасы тағы бар.  

Сонымен қатар, жеңімпаз спортшыға алтын белбеу мен алтыннан құйылған ауыспалы «тайтұяқ» табысталады. Екінші және үшінші орын иегерлері сәйкесінше күміс және қола белбеулермен марапатталып, 5 500 000 және 1 800 000 теңге беріледі деп жоспарланып отыр. Сонымен қатар, әр белдесудегі жеңіске 100 000 теңге беріледі.  

Жаттықтырушылар еңбегі де ескеріліп, басты үш орынға 3 500 000, 1 800 000 және 900 000 теңге тағайындалған.

Тоғызыншы рет сайыс көрігін қыздыратын белдесулерге былтырғы бас жүлде иесі Ержан Шынкеев жарақат алуына байланысты  қатыса алмайтынын хабарлағанымен, Айбек Нұғымаров, Руслан Әбдіразақов және Мұхит Тұрсынов секілді тәжірибелі балуандар жас көкжалдармен күш сынасып көрмек.

Кешегі рәсімде ең ауыр салмақты Шығыс Қазақстан облысынан 151 келілік Ерасыл Қажыбаев көрсетсе, Батыс Қазақстан облысының балуаны Ерназар Хамзин 90 келі тартты. Дегенмен бәсеке барысында салмақтан бұрын, шебер әдіс-айлаға негізделген жекпе-жектер назарға ұсынылмақ.  

Турнир Қазақстан Республикасында ұлттық спорт түрлерін дамыту арқылы салауатты өмір салтын қалыптастыру қағидаттарын насихаттау, жастарды ұлттық спорт түрлерімен шұғылдануға жұмылдыру арқылы олардың бойында отансүйгіштік сезімді қалыптастыру, қазақ күресін өркендету арқылы оны ұлттық идея деңгейіне және халықаралық дәрежеде беделін көтеру мақсатында өткізіледі.

Билетті «Меломан» дүкендері желісі мен ticketon.kz, zakazbiletov.kz, kassir.kz сайттарынан сатып алуға болады. Бағасы 500 теңге мен 5000 теңгенің аралығында.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: