Главная Новости 28 желтоқсан - Ұлттық аза тұту күні
Маңызды27 желтоқсан 2019, 15:33 892 Алдаберген Кемпирбаев

28 желтоқсан - Ұлттық аза тұту күні

28 желтоқсан - Ұлттық аза тұту күні

Алматыдағы жолаушылар ұшағының апаты салдарынан адамдардың қазаға ұшырауына байланысты, 28 желтоқсан елімізде жалпыұлттық қаралы күн болып жарияланды. Бүгін ҚР Президенті Қасым-Жомарт Тоқаевтың сәйкес шешімі жарық көрді.

"Алматы облысының Талғар ауданында жолаушылар ұшағының апат болуы салдарынан адамдардың қазаға ұшырауына байланысты 2019 жылғы 28 желтоқсанда Қазақстан Республикасында жалпыұлттық аза тұту жариялансын" делінген Ақорда сайтында жарияланған мәтінде.

Еске сала кетсек, бүгін таңертең, яғни 2019 жылғы 27 желтоқсанда сағат 07:22-де Алматы-Нұрсұлтан бағыты бойынша "Bek Air" әуе компаниясының №Z2100 рейсі әуеге көтерілу кезінде құлады. Ұшақ бетон қоршауды сындырып барып, екі қабаттан тұратын ғимаратқа соғылды. 

Шұғыл Мемлекет басшысының нұсқауымен Үкіметтік комиссиясы құрылды. Кінәлілердің заңға сай қатаң жазаланатыны мәлімделді.

Оқиға мән-жайын анықтағанға дейін осы типтегі ұшақтардың ұшуы, жалпы "Bek Air" компаниясының қызметі тоқтатылды.

Алдын ала мәліметтер бойынша, бортта 93 жолаушы, 5 экипаж мүшесі болған.

Қайтыс болғандардың ішінде "Информбюро" порталының шығарушы редакторы Дана Круглова мен "Генералдар кеңесі" республикалық қоғамдық бірлестігі төралқасының төрағасы, әділет генерал-майоры Рүстем Қайдаров бар.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: