23 қараша 2023, 11:14 1351

281 бірлік арнайы техника темір жолдарды қардан тазартады

Алдағы қыста темір жолдарды қардан тазарту үшін 281 бірлік мамандандырылған техника: қар тазалайтын және қардан аршу машиналары, роторлық қар тазалағыштар жұмылдырылады.

Барлық машиналар жоспарлы жөндеу түрлерінен өтті. Соңғы үш жылда рекордтық техникаға – 108 бірлікке жөндеужүргізілді. Бүгінгі таңда барлық машиналар сынақтан өткізіліп, қысқы жағдайда жұмыс істеуге дайын.

Жолдарды, бағыттамалы бұрмаларды тазалау және қалың қар мен боран кезінде тиімді пайдалану үшін арнайы техника темір жол желісіне ұтымды орналастырылған.

Оның басым бөлігі Көкшетау, Қостанай, Павлодар, Қарағанды, Семей және Ақтөбе облыстарының ерекше қарлы аймақтарында шоғырланған.

Қар басып қалатын магистральдық желі бойынша енгізілген учаскелердің жалпы ұзындығы шамамен 2000 км құрайды. Темір жолдарды қардан тазарту пойыздар қозғалысының қауіпсіздігін қамтамасыз етудегі маңызды міндеттердің бірі болып табылады.