09 ақпан 2022, 13:00 4110

Әнші-сазгер мұнайшы

Қаражанбаста кәсіби шеберлігімен қатар, шығармашылық қабілетін шыңдап жүрген жұмысшылардың туындылары қалың көрермен мен тыңдарман назарында. Өндіріс пен өнерді қатар алып жүргендердің бірі – кен орнындағы әлеуметтік жұмыстар тобының инженері Марат Сәулебай.

Ол түрлі тақырыпқа қалам тербеп, ән шырқайды. Оған қоса мұнайшының жазған ондаған әнін еліміздің эстрада жұлдыздары орындайды. Марат жазған әуендер ішінде кең таралғаны – Тамара Асардың орындауындағы «Қазақстаным» әні.

Марат Сәулебай 2020 жылы ҚР Президентінің Құрмет Грамотасымен марапатталған. Ол компанияда 8 жылдан аса уақыт қызмет етіп келеді. Кен орындағы шығармашылық іс-шараларды ұйымдастырумен айналысып, әлеуметтік-қоғамдық өмірге белсенді қатысып келеді. Бос уақыттарында ән шығарып, өлең жазумен айналысады. Композитордың шығарған әндерін белгілі қазақстандық әншілер Тамара Асар, Абай Бегей және басқалар орындап жүр.