Әзірбайжан мен Қазақстан арасында жүк тасымалы артады

Әзірбайжанның АЗЕРТАДЖ агенттігінің мәліметінше, тараптар транзиттік жүк тасымалдау көлемін арттыру мәселелерін талқылады. Тұрақты сауда ағынын қамтамасыз ету, маңыздылығы жылдан жылға артып келе жатқан жоба – Орта дәліз аясында жүйелі байланыстар орнату, сондай-ақ экологиялық тұрақтылықты қамтамасыз ету мәселелері сияқты тақырыптар басты назарда болды. Айта кетейік, осы жылдың жеті айында Баку порты арқылы Қазақстан порттарынан жүк тасымалдау көлемі 15 пайызға өсті.  

Былтыр Қазақстан Президенті Қасым-Жомарт Тоқаев көлемін арттыруды тапсырған еді. Осы тапсырмаға сәйкес «ҚазМұнайГаз» ҰК АҚ мен Әзірбайжан Республикасының SOCAR мемлекеттік мұнай компаниясы Теңіз кенішінен «Баку-Тбилиси-Джейхан» мұнай құбыры бағыты бойынша жылына 1,5 миллион тонна мұнай тасымалдауды көздейтін келісімге қол қойған болатын.  

Райхан Рахметова

Дереккөз: "Қазақстан теміржолшысы"