Главная Новости Аға инженер: «Тәуелсіздік құрдасы болу екі есе жауапкершілік жүктейді»

Аға инженер: «Тәуелсіздік құрдасы болу екі есе жауапкершілік жүктейді»

Аға инженер: «Тәуелсіздік құрдасы болу екі есе жауапкершілік жүктейді»

Тәуелсіздік жылдары дүниеге келген мұнайшылар – қара алтын өндірушілердің салған сара жолын жалғап келе жатқан жас буын. Ел ертеңі саналатын оларға азаматтық һәм маман ретінде маңызды жауапкершілік жүктелген.

 

Нұрбол Абаев – ғылыми-зерттеу және өндірістік жұмыстар цехінің аға инженері. Мұндай маңызды қызмет аналитикалық және тәжірибелік ойлауды, өзін-өзі дамыту мен ғылымға деген ұмтылысты қажет етеді. Аталмыш салада еңбек ету Нұрболдың бала күнгі арманы. Шетпе ауылында туып өскен ол, Шахмардан Есенов атындағы университеттен геолог мамандығын бітіріп шықты. Кейін И.М. Губкин атындағы ҰИУ-нің магистратурасын тәмамдады. Жас маман қазіргі өз қызметін мақтан тұтады.

«Әкем – дәрігер, ағаларым – мұнайшы. Сондықтан бұл сала мен үшін бала күннен жақсы таныс. Қызығушылым да басым болды. Қазір мен ұңғымалардағы сұйықтық деңгейін зерттеу, қысымды тексеру, үш фазалы сепараторды талдау сияқты қызметтерді атқарамын. Тәуелсіздіктің құрдасы ретінде Қаражанбаста еңбек етіп келе жатқан 7 жылдан астам уақыт ішінде Отанымның дамуына үлес қосып жүргенімді мақтан тұтамын», – дейді Нұрбол.

30 жасқа қадам басқан Нұрбол – тәжірибелі маман. Еңбек жолын ғылыми-зерттеу және өндірістік жұмыстар цехінде оператор болып бастаған ол кейін №2 мұнай өндіру цехінде геолог қызметін атқарды.
Кейіпкеріміздің тағы бір жетістігі – отбасы. Жарымен бірге 4 баланы тәрбиелеп отырған әке болашақта тек өз перзенттеріне емес, бүкіл елдің өскелең ұрпағы үшін үлгілі тұлға болуды қалайды.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: