Главная Новости Аида Балаева Қазақтелекомның жаңа бағдарламасына баға берді

Аида Балаева Қазақтелекомның жаңа бағдарламасына баға берді

Аида Балаева Қазақтелекомның жаңа бағдарламасына баға берді

Ақпарат және қоғамдық даму министрі Аида Балаева «Қазақтелеком» АҚ-ның түбегейлі жаңа телевизиялық платформа құру жөніндегі жаңа жобасына баға берді, деп хабарлайды SKnews.kz ҚазАқпарат агенттігіне сілтеме жасап.

«Жаңа телевизиялық платформаның ашылуы – отандық медиа саладағы айтулы оқиға. Қоғамға сапалы әрі ашық ақпарат жеткізу – біздің қызмет саласындағы басты міндеттердің бірі. Соның ішінде әсіресе, жаңа теле-платформаның мемлекеттік тілге басымдық беретіні көңіл қуантады. Сондай-ақ, жаңа бастама – отандық медиа саласының бәсекеге қабілетін одан ары арттыруға үлкен серпін береді деп сенемін», – деді министр «Қазақтелеком» компаниясының «ТВ+» тұғырнамасын таныстыруға арналған іс-шара барысында.

Бұл орайда, Аида Балаева осы жаңа жобаға бастама көтеріп, оның іске асуын қамтамасыз етіп отырған – «Самұрық-Қазына» әл-ауқат қоры мен «Казақтелеком» компаниясына алғысын білдірді.

«ТВ+» жаңа телеплатформасы отандық медиа нарығын дамыту катализаторларының бірі ғана болып қалмай, жас талантты авторларды елімізде жаңа, барынша сапалы контент жасау үшін үнемі жұмыс істеуге ынталандырады деп сенеміз. Ал олардың күш-жігерінің нәтижесі мен көрсеткіші жоғары көрермен рейтингі болсын», – деді ол.

Сонымен қатар ол Ақпарат және қоғамдық даму министрлігі алдағы уақытта серіктестік жұмысқа дайын екендігін атап өтті.

Выпуски SK NEWS

Смотрите также

Мы в социальных сетях:
Поддержка читателей:
+7 (7172) 99 97 86
Наш адрес:
г.Нур-Султан, ул. Е10,
дом № 17/10, АЗ «Зеленый квартал», блок «Т4» 12 этаж
E-mail: