20 сәуір 2021, 13:05 2465

Air Astana MyPress электронды басылым қызметін іске қосты

Жаңа қызмет әлемнің 20 тілінде басылып шығатын мыңнан астам бұқаралық ақпарат құралын назарға ұсынады.

Электронды газет пен журналдарды жеке құрылғыңызға рейске дейін және рейстен кейін келесі сілтеме арқылы жүктеп ала аласыз: https://airastana.com/kaz/kk-kz/Qyzmetterimiz/Ushaq-bortynda/Elektrondyq-baspa

«Пандемия кезінде аталған жаңа қызмет өзекті әрі маңызды. Өйткені коронавирустың таралу қаупін азайтады. Media Carrier компаниясымен серіктестік нәтижесінде борттағы түрлі басылымның жаңа нөмірлерін жеке гаджеттерден оқуға мүмкіндік бар», – дейді Air Astana Жобалар бойынша менеджері Әйгерім Жамбыл.

Жаңа қызмет қағаз бен жанармайды үнемдеуге, сондай-ақ ұшар алдындағы дайындықты оңтайландыруға мүмкіндік береді. Басылым уақытылы жаңартылып отырады.